عدد ساعات في الظلْمه بلا تكييف عدد أنفاس في هالدار مقطوعه ولا واير يوصّلنا لحدّ السِيف ولو ننزل بحر أو نوصل القُوعه ولا شخص انتبه إن «العمل» تزييف إذا يشْبك موظف عطلة أسبوعه! ولو ترجع تراجع «دائرة توظيف» ولا واحد مداوم...
هذي التفاهات مو يمّك ولا همّك وكل ما تسامحت... يعْلا حيل منزالك خَل البعوض الصغير اللي شفَط دمّك إيحس إنّه انتصر... وانته ولا ببالك! عطهم مساحه ولو ماكو أحد يمّك بعض الشرابيك تثبت إنّك لحالك من حيث طبْع الردي لو يضحك وضمّك...
إذا زاد الحِمِل يطْفي ترى الماطور وبعَد هذا أبد ما تنفع الشمعه كذلك أي بلد إن بيَّن المستور يكلّفنا الضحايا وتنزل الدمعه ولا ينفع معاه نجبّر المكسور إذا كان الكسر بين الدول سُمعه فساد... ويا كثُر يا طُول هالطابور ولا...
يا ليت الأيام من أحسن إلى أحسن والبدر ساطع ويسفِر في الدجى حِسْنه محبوب عيني ولا أجمل ولا أتكن يفْرق عن الغيد مقياسه إذا قسنا الوجه درّه ثمينه وغرّته أثمن يا صنعة الله معطي الحسْن بالحسنى لا يا هوى الروح لا ترمي ولا تطعن...
شلّلي بقى فيك يا ناوي برحلة سفر غير المتاعب ترتِّبها بجنطة سفر ما بين الأضداد حالاتك بعَتْمه وسفر تقطع محطات لكنّك ما بين البين ما ظن توصل ولو طوّل عليك البين تدخل ضبابك ولا مينا تشوفه يبين يا ليت عقب التعب تلمح بعينك سفر
ما لوم طير الهوى لمّا يفر ويروح هذي القوايل جَمُر وتذوب فيها الروح ويقول لا تنتظر إسْرج خيولك روح حسّيت - يا صاحبي- في الروح ثقْل الحجر وماني الخبير الذي يلعب «ببيضه وحجر» (1) ياللي انكتب لك فرَج من عقب ذاك الحجر (2) إن ضاق...
ليت التصرّف مثل غتْره عليها عِقل(1) كل ما فَلَت بالهوا نعقل حباله عقل(2) ساعات ما ننتبه ما ندري وين العقل إلا بساعة وعي بين الزلل والخطا ونشوف في دربنا ودّتنا وين الخطى ياللي على التهلكه في كل مرّه خطا(3) إن كنت ناوي الخطا وين...
لولا حديد القفص عصفور بيتي يفر (1) أنا اللي كنت أحْبسه وألوي حديده وأفر وكل ما لويته غصُب يطلع بكفّي نفر (2) عصفور كنت أعشقه لكن يحب الفضا وإذا عطيته غطا يرمي الغطا وينفضه مجنون لما فضا باله وحَس بفضا (3) ايقول هذا الزمن فينا...
ما فات طيبك أبد والمجبلات اكثار والمال مالك ولا بينه وبينك ثار يا زارع الورد وردك يخنقه الإكثار خفِّف من الماي، وإن خالط يمينك طيب أدري المحبه مَرَض ما ظني منها تطيب ومو شرط في وقتنا «الطيّب يلاقي طيب» تعْرِف مع الوقت...
يا صاحبي صاحبك مثل الأيادي اليسر ماهو اليمين الذي عونك بعسر ويسر يشبه زمانٍ قَلَب ما فيه شيٍّ يسر ودنياك هذي فلا تدخل ملاعبها حتّى لو الكلّ بالحيله يلاعبها الحر في ماكره والبوم لاعي بها وساحاتنا اليوم ما فيها رفيجٍ يسر
