صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 5151

رئيس التحرير خالد هلال المطيري

درايش: شد الحبال الفالته

  • 17-08-2022

لا ينشغل بالك بكُبْر المهمات

النفْس تحييها الأمور المهمّه

الخيل فيها بالنواصي علامات

وأول علامه بْمربط الخيل... هِمّه

شِد الحبال الفالته في قرارات

الشر يخص والخير كلٍّ يعمّه

بديت شي وكمِّله للنهايات

واللي بدا في شي لازم يتِمَّه

حتى ولو كانت على الدرب عثرات

أو ناس مثل الداب ينفث بـ سمّه

الدار هذي تزدحم بالمروّات

وفيها النفوس الشامخه فوق قمّه

وضّاح