غادة

لعيون غـادة، أطـش الشعـر، وأستجمعـه

ثـم أتمـدد علـى الشطـآن مـثـل السـديـم

غادة... زهوّ البحر، والمـوج، والأشرعـة

غادة... عذاب العيـون، وسحرهـا المستديـم

أشوفهـا فـي زوايـا الـذاكـرة مسـرعـة

وأحسهـا فـي تفاصيـل السـوالـف تهـيـم

غادة... حفيف الطيـور، ونسمـة المزرعـة

غادة... شموخ الشمـال/ الواثـق/ المستقيـم

غـادة... ويهتـز فينـي صمتهـا، وأسمعـه

من كثر ما هـو غلاهـا فـي خفوقـي مقيـم

معهـا تمـر السـنـه بفصولـهـا الاربـعـة

أسرع مـن الثانيـة، والشـوق مزمـار ديـم

لا جيت أبا أكتب... أحـس بخافقـي زوبعـة

وإن جيت أبا أسكت... يصير الشعر فيني جحيم

يتمرجح الوقت مـن صمتـي، ولانـي معـه

والليل يطوي الحكي، طـي السجـلّ القديـم

وعيون غادة سحاب أخضـر، يـزفّ أدمعـه

يمطـر علـى دفتـري، شـلال ورد ونسيـم

أشـم فـوق الـورق، أنفاسهـا المشـرعـة

للحـب لليـل، للشعـر الجميـل العظـيـم

ولعيون غادة، أطـش الشعـر، واستجمعـه

عشان ترضى... وأكـون العاشـق المستديـم