ليلى

يلى... ويغيب المدى، والناس، والأزمنه

ليلى... وتصير المسافات الطويلـة رمـاد

ليلى... وتضيع الحروف بعالـم الأمكنـه

والليل، والغيم، ودموع السهر، والرقـاد

يا سحر غرّد بصـدري، وامتلـي دندنـه

خلّ المشاعر تفيـض، وترتكبنـي مـداد

في حضرة الشمس غنى الفجـر للسوسنـه

كل اغنيات الشذا، والسنبلـة، والحصـاد

أضم صوتك إلـى صوتـي، ولا أمكنـه

وتجتاحني كل صيحات التتر والجـراد

أغيب في داخلي بيـن السهـر، والسِّنـه

وأعود من غفوتي، شلال رعد، وعنـاد

ليلى... وأحس الفضا، إعصار تستوطنـه

كل السماوات في صدري، ولال الحمـاد

جلست أكتب شعر، في عيونك المدمنـه

بالحب، والشعر، ودروب الغلا، والسهاد

ليلى... وأشوف الثواني تطـرد الأزمنـه

وانتي مثل خبري أول، تعشقين الهداد