أنشودة الحلم

راحت تنام، وقلت تصبح على خير

يا عيون عذبها السهر ثـم نامـت

تلحفت بالصبـح مثـل العصافيـر

وتمددت فوق السريـر، وترامـت

كان المسا سهران يعـزف تباشيـر

ويوم ارتخى عطر البساتين هامـت

راحت تغيب وترتفع كنّهـا الطيـر

والأرض من هيبة حلاها تسامـت

مثل الفراش تلامس الغيم، وتطير

تغيب في قلبي وإذا غبـت حامـت

معشوقة الأحلام، بنت الأساطيـر

اللي ليا دارت مع الجـول شامـت

فيني تسافر، تختصرني مشاويـر

وأنا أختصرها شعر وأشياء غامت

ليت المسا يمطر عبيـر ومساييـر

وليت السوالف لا غفى الليل دامت

لا واهنيّـك يـا سريـر الأزاهيـر

اللي عليك أنشـودة الحلـم نامـت