شعبي عندي أدله..!
نشر في 08-11-2007
آخر تحديث 08-11-2007 | 00:00
ودي اقول إن البلد من ردى الحال يصبح ويمسي بين غبات واهوالنصه فساد... ونص في كف دلاّل واخاف ليقولون : عطنا أدله!! وودي اقول إن الحكومه التكانه هي ضيّعتنا بين حانا ومانا وان الأمانه واضحه في «الأمانه» واخاف ليقولون : عندك أدله؟!! وودي اقول إن «المجالس» رساله بس العضو هاليوم شعبه... حلاله!! مثّل بجثة شعب... ويزيد ماله واخاف ليقولون : قدّم أدله؟!! كنّه مكلّف بس يثير العداوه شيعي وسني أو حضر أو بداوه و لو شرّع القانون كلنا نتساوى واخاف ليقولون : عندك أدله؟!! وودي اقول إن استجدت شرايع واشوف دارت في بلدنا الطبايع البوق عادي صار... والحق ضايع واخاف ليقولون : شنهي الأدله؟!! ودي اقول : المشكله من هل البيت كل ما طفت ... كت بعضهم فوقها زيت وما بينهم ضعنا ، ونسيناك يا كويت واخاف ليقولون : وين الأدله؟!! قصدي أقول المشكله بين شيخين هذا وهذا... وشعبنا صار نصين والبعض يلعب... موقفه بين الاثنين واخاف ليقولون : عطنا أدله!! واليوم ودي احلف وأأشر على الشمس : تشرق من المشرق... وتغرب مثل أمس ولا تغطي الشمس الاصابع الخمس واخاف أسمع : زين... عطنا أدله!!
