شعبي من حساب صندوق المعسرين
نشر في 23-03-2008
آخر تحديث 23-03-2008 | 00:00
أنا معسر...أنا محتاج... .............. أنا محتاج حق ديره تأكّد هيبة القانون أنا معسر إذا أتذكّر جمايلها ولا أقدر أوَفي ديون أنا محتاج حق نائب يكون بحبها مجنون ولا يقسم چذب «يحمي مصالحها» ويطلع من ورانا يخون أنا محتاج حق سلطه تساوي بين خلق اللّه تحاسب بوقة الهامور لو مهما يكون يكون .............. أنا معسر و«صندوقي» أخاف إنكم تحولونه لشرا الأصوات! «صندوق لشرا الأصوات» وكل واحد تبونه من حبايبكم نصيبه -في المقر- مليون عشان المعسر المحتاج يترجّى مرشحكم مقابل «صوته» الواطي يفكّه من غثا لديون!! وضّاح [email protected]
