درايش : تسعه ألف عشره ألف بسْنا فلوس!
نشر في 15-04-2016
آخر تحديث 15-04-2016 | 16:16
كادر... وكادر زياده بلا سنَع أو ركاده فرحان قلب المواطن ولا درى شـ ستفاده! هذي الزياده... المضرّه كلِّش أبد ما تسرّه الزود باجر يجرّه تاجر يدوبل حصاده! السوق باجر يولِّع وطير «التضخّم» يشلِّع اشـ ينفعك لو تصلِّع والظل يعلن نفاده؟! إيد الحكومه الكريمه تسقينا قهوه عظيمه وإن نشّفت كل غيمه نشرب من المُرِّ... ساده! نلوم طبع الحكومه وإلاّ شعَبنا نلومه؟! باعوا سراب... ونسومه فينا الطمع صار عاده!
