درايش: غنائيات/ سلام البعيدين
نشر
في 07-04-2025
آخر
تحديث 06-04-2025 | 18:20
الحين... وإلّا بَعَد... نشتاق لك كل حين
ودقّات بقلوبنا ما تنتظر بعدين
الغيمه لما انْزَلَت
وسْط الضلوع اغْزَلت
خيطين شوق ووله
بأطرافهم ناريْن
بعيد... وانت الذي بين النفَس والروح
بعيد... طيفك حَضَر، هوَّن عَلي لجروح
وجهك رذاذ المطر
ما تدري كل ما حضر
عقب الجفا والنوى
شيسَوّي في الحاليْن!
أخفيت رشّة مطر يا مُنيتي بجيبي
«صوغه» لْحبيبي الذي ما يرضى تعذيبي
يومين ونرد سوا
نحيي جذور الهوى
وطيور عقب الظما
تشرب من أصفى عين
