درايش: المال وسيلة...

وضّاح

نشر في 26-03-2025

وضّاح

ما يحترق قلب السنافي على المال

مثل الذي فاقد أحَد من هلٍّ له

إلا الذي فيه الطُمَع عِلْوَ الاجبال

وفي القلب سبّب له ثمانين عِلّه

الشمس ما تترك على غصنك اظلال

ودورات هذي الشمس فيها الأدلّه

خلّه يجي ويروح بس تسلم الحال

لو ما بقى من الليل غير الأهلّه

إذا حَصَل... حيّاه يا حلو الأقبال

وإن ما حصل... ما نخسر الكون كلّه!

المال مو «غايه» ولو قال من قال

لكن «وسيله» لدرب لازم تدلّه

والمال «أوراق» وعليها المثَل قال:

إمّا يذلّك يوم وإلّا تذلّه!