درايش: لا تدق... (برمضان)
نشر
في 10-03-2025
آخر
تحديث 09-03-2025 | 16:38
لا تتصل... مالي مزاج اتصالك
مو محْتِمل نفسي على شان أداريك!
دايخ وزحمه وشارعي «غير سالك»
والنفْس قَشْرا والخواطر شرابيك
واشوف چدّامي كما الليل حالك*
الجوع أحياناً عن الدرب يعميك
ولو خيّروني في زقاره وممالك
أختار الأولى الغاليه دون تشكيك
طالت عَلَيْ والدرب ميّت وهالك
وفي كل حُفْره... بالظهَر صار تفكيك
لا تتصل... بالي ترى غير بالك
أحس چِنّي ببيت ماله شبابيك!
* شديد الظُلمة
