درايش: منشغلين في الهوامش وتوافه الأمور!

وضّاح

نشر في 26-04-2024

الجْمال مدرهمه والسير ماشي

بس جِمَلْنا اللي برَك في الدرب قاعد

الركايب ما توقّف عند واشي

وما تعطّلها وعود اللي يواعد

يوم يمّمنا على دار النجاشي

ما عطانا غير صوغات ومضاعد!

قال جيشه حرْفِته طرْد المواشي

وبالمعارك ما يغيْر وما يساعد

چان ما تقدر تربّي جيل ناشي

ما حجَز لك الأجنبي عنده مقاعد

دارنا هاليوم في بحر الحواشي

لو مشَت خطوات والله ما تباعد!

غارقه بأوهام لحدود التلاشي

وغيرها للسهيل راح اليوم صاعد

تاركه من يرتشي ومن كان راشي

وكاتمه الأنفاس في كل جيل واعد!