درايش: ليت الديرة تركض ويّاكم في السباق

وضّاح

نشر في 08-03-2024

وضّاح

ليت من يركض على الجسر البعيد

ياخذ الديره بعد تركض معاه

لا لياقة ركْض، لا حيلٍ شديد

والنفَس فيها موصِّل منتهاه

يا حكومه صاعده الجسر الجديد

اصعدوا فيها الجسر لآخر مداه

واسحبوها سحْب في «وِنْشٍ» حديد

يمكن بلحظه الكسل ينفض غطاه

نايمه وبفراشها فكرٍ بليد

وغيرها يسعى على كل اتجاه

اركضوا فيها مع العزم العنيد

ومن وقَف ضد الزمن كلٍّ وطاه

هالشهر تاليه عقب الصوم عيد

بس يوم العيد ما ندري إش وراه؟!