درايش: شوارعنا... أمراض جلدية

وضّاح

نشر في 28-02-2024

وضّاح

هذي شوارع بلدنا تشبه الأمراض

فيها امْبقَّع وفيها الدائري مَجْدور

وواحد أكزيما وثاني واضح الأعراض

يشكي التهاب الزوايا والحصى المنثور

وواحد بَلاه التصحّر في دروب عْراض

بالرغم إنّه رئيسي... مُهْمَل ومهجور

ياما سمعنا وعود وكلها استعراض

وين النهوض وطريقه والبلد محفور؟!

الله ستر هالسنه يوم المطر ما فاض

وإلّا غرَقْنا وفاحت ريحة المستور!!