درايش: الغراب الشعري
نشر في 27-09-2023
آخر تحديث 26-09-2023 | 20:06
ما نبّهوك ولا اسرجوا يمّك الخيل
خلّوك وحدك في مهامه ذيابه
والليل لا قمرا ولا ضو قنديل
مثل الغريب اللي قليلٍ زهابه
وما دارت الدنيا ولا صار تبديل
عشرين عام وما اعْبَرَتْهم سحابه
عفيه عليك اشلون تكتب مراسيل
وتعيد نفس القافيه في الكتابه
عجيب ما ملّيت أو مِلْت لو مِيل
والدُور صارت خاليه واتّشابه
وأصبحت من كثر الكتابه عن الليل
مثل الغراب اللي نَعَق في خرابه
