درايش: وبعد الانتخابات... متى تتحرك السيارة؟!
نشر في 07-06-2023
آخر تحديث 07-06-2023 | 01:53
«صوتك» اللي ترفعه
كل يوم ونسمعه
أثمر الليلة بنتيجه
وعن حقيقه مشرَّعه
الأمل في كل مَرّه
ينتهي بلحظات مُرّه
ليته هالمَرّه بمسرّه
ولا ينشف منبعه
إختمَوا كل الكشوف
وانتهت ذيچ الظروف
يالله خلّونا نشوف
في البلد أي منفعه
بنْچرَت أربع تواير
واقفه بروس العواير
دايره فينا الدواير
وناس راحت مِسْرعه
ما نمل وما نكل
حتى لو تضطر تحل
كل مجلس أو فصل
نلقى عند الله السِعه
