درايش: باچر... صوِّت لمستقبلك مو ماضيك

نشر في 05-06-2023
آخر تحديث 04-06-2023 | 20:01
 وضّاح

ما بين مستقبل حياتك وماضيك

شوف الخيار اللي يعدِّل مسارك

والعاطفه إيّاك تغْلِب مباديك

في فتحة «الصندوق» تحْرِف خيارك

لا تترك القُربى عن الحق تعميك

الدار أولى حين تاخذ قرارك

ولا تترك الساحه لجيش المماليك

اللي يعدّون الخطط لانكسارك

صفَّت سرايا غدرهم في مفاليك

ويا للعجب ما شي يوم استثارك!!

إذا «انجحوا» ترى الخلل منّك وفيك

لنّك تكاسلت وخسَرْت انتصارك!

هُم دخّلونا في القضايا الشرابيك

حتّى تمِل إن طال فيك انتظارك

خلّك مع الإصلاح وارسِم خطاويك

وأشِّر إشارة () وافزع لدارك

back to top