درايش: 6/6
نشر في 15-05-2023
آخر تحديث 14-05-2023 | 19:52
الزيف له جوله وللحق جولات
واليوم قرّبنا لخط النهايه
خل النظر صافي وقِيس المسافات
لا تنخدع لو زخرفوا لك دعايه
وذاك السراب اللي رسَم لك غوايات
تمشي دروبك ما توصِّل ل غايه
العاطفه كم ورّطتنا بغلطات
وفي كل مرّه نفْس ذيچ الغوايه
«هذاك ابن عمك» وهذا قرابات
وما تنتهي في يوم هذي الحكايه
أو طائفه وإلّا عوايل شراكات
الكل علينا صار ماخذ وصايه!
لو نتّعظ باللي جرى وكل ما فات
6 شهر 6 تكون البدايه
