درايش: ولا شي (مجرّد صداقات)

وضّاح

نشر في 13-11-2026

وضّاح

مالي طُمَع في شَيْ، أو أنتظر شَيْ

ومالي مصالح حال، في كل الأحوال

عندي الصداقه ليل وانجومها ضَيْ

ما يوم أسيِّرها على الدرب واحتال

ولي زاويه ترْسِم مكاني وانا حَيْ

وإن غِبْت يبقى لي مع الجيش خَيّال

أكتب فصاحة حَرْف وإن صابني عَيْ

أرْمي الكُرَه كلمات من فوق الأجبال

وما أرتضي بالهون في وارِف الفَيْ

أو أرتهن للذل لو يفْرِش اظلال

مرّيت في عمري على الصح والغَيْ

جرّبْت بالدنيا تصانيف وأشكال

ما شِفْت مثل اللي طوى خاطري طَيْ

صديق- وقت اللازمه- قول وأفعال