درايش: آخر نفَس للحوثي
نشر
في 09-10-2026
آخر
تحديث 08-10-2026 | 18:58
يا شمال الروح سَيِّر للجنوب
واطْلُب الغالين حَل المسألَه
وإن تِكَشَّف لك سَنا نار الحروب
افْهَم اللي كان فيها واسأَله
لك مشاعر ساريَه بريح الهبوب
والمشاعر ما تصير مْأَجَّله
ماشي الحوثي ولا ناوي يتوب
والعدو حرَّض علينا وأَهَّلَه
من تعدّى الحَد وأسْرَف بالذنوب
اسألوه الدَم منهو حلّلَه؟!
العدو واللي رضى عنّه ينوب
ابتَلَشْنا ب آخره عن أوَّلَه!
ينتهي كل شي بالحزم الغضوب
وتنتهي ويّاه كل الأسئله!
