درايش: أولاد الروايات
نشر
في 04-09-2026
آخر
تحديث 03-09-2026 | 18:36
تخيَّل... ينْولد واحد من الصفحات
ملامح كامله بقصّه خياليّه
كُبَر حَجْمه وصار يعاندك ساعات
مواقف ثابته وأفكار شخصيّه
سِقيته من الحبر دفعه ورا دفعات
وصار انسان في هيئه طبيعيّه
تمرَّد بالسَطر واختار له كلمات
كلامه يختلف عن نسخه أصليّه
طَلَع من صفحة كتابك وكوَّن ذات
تحسّه صار شخصيّه حقيقيّه
تبيه يرد للقصّه ولو لحظات
وياخذ دور بالحَبْكه الدراميّه
ولكنّه كِسَر بابك على الساحات
يقول إنّه يبي نسمات حريّه
