درايش: ولا شي
نشر
في 17-07-2026
آخر
تحديث 16-07-2026 | 20:43
طير أسود في زوايا الليل حايم
ما تشوفه وما يبيّن في دجاك
ما يخاف وما يهمّه لوم لايم
ما تردّه لو تكشّه في عصاك
إن بغاك بيوم فيه الجو غايم
نشَّب المخلب ولا يسمع رجاك
ليت يرسل قبل خفْقاته علايم
في إشاره وتَعْرِف إنّه اليوم جاك
كم أخذ منّا شديدين العزايم
فزعة الدنيا إذا حان اشتباك
لو تفكّر: ما عليها شي دايم
كل شي متروك في الدنيا وراك
كانت الأيام في حفلة ولايم
وصارت الأيام كِسْره في عشاك
إش يفيدك لو كسَبْت من الغنايم
والغنيمه ما تهرِّبها معاك؟!
