درايش: بلوى
نشر
في 13-07-2026
آخر
تحديث 12-07-2026 | 20:01
إن طغى الجار العتيج
وأشعل الدنيا حريج
أو تمادى بالتغطْرس...
شَرِّبه ماي الخليج!
وإن نوى يعْبِث ب دارك
شَغْلته يحفر جدارك
إحزم ورتِّب قرارك
ذا عدو ماهو صديج
كل ما قلنا هَدينا
جدَّد القصّه علينا
يستغل الطيب فينا
ويعْترضنا بالطريج
لا «صقور» ولا «حمايم»
لعبه فيها الچذب عايم
من نظام أهل العمايم
بالخليج اليوم ضِيج!
لك مسار ولي مسار
في البحر والخط نار
من ليالي «بختيار»*
كلّنا عيال الفريج
«هرمز» اللي تستحلّه
في حشاك يصير عِلّه
باچر إن ما شفت حَلّه
يسحبونك للغميج!
* شابور بختيار آخر رئيس وزراء في زمن الشاه محمد رضا بهلوي، اغتيل في باريس.
