درايش: لعب السياسة في المونديال!
نشر
في 08-07-2026
آخر
تحديث 07-07-2026 | 19:31
«كَرْت أحمر» كَنْسله وأعلن خصام
للحَكَم، وأجْزَل بذَمَّه واتهامه
قَصْده بس يهْدِم قوانين ونظام
ما يبي يمشي على درب استقامه
أو يصير «تريند» فوضى واتهام
وكل مصيبه لازم يخَلّي علامه!
عاد ماله بْهذي «اللعبه» اهتمام
والكُره ما تنْحسِب ضمن اهتمامه!
ومنتخبهم في الملاعب كالنعام
لعْب دون المستوى، بان انهزامه
دخَّلونا في «السياسه» والملام
والسياسه كل نتايجها ملامه
راعي «الفيفا»... تحيّات وسلام:
سكِّر «الفيفا»... وودِّعنا بسلامه
