درايش: الحرب والسلام

إن صارت الحرب: لا غالب ولا مغلوب

ف اعلَم تراها تبي تصْعَب نهايتها 

إن ما احْسموها بقوّه والقدر مكتوب

تمْصَخ وتفْقِد مع الأيام غايتها

كل شي يطوِّل... تمِلّه وينتهي ويذوب

وتطيب نفْسك إذا عادوا روايتها 

قِلْنا اجنحوا للسلام ونفّذوا المطلوب 

نِص قَرْن وانتم تردّون لبدايتها! 

إيران... فَهْم العداوه عندها مقلوب! 

تنسى «الكيان»/ وتبي تفْرض وصايتها! 

مالِح خليج العروبه وضابط المنسوب

لو جارته بالغدر معروف مايتها 

مدّينا إيد السلام بكل بياض قلوب

لكن تبينا - بوَهَم- ندخَل عبايتها!!!

الرمْح لو يسرقه وسْط الوغى شيبوب

ما سَرّ أهل الحمى أو رَز رايتها 

كلٍّ لحَجْمه يرد من هالجنون يتوب

النمله لا ريِّشَت تختِم حكايتها 

وردّوا لحال البلد مستغفرين ذنوب

بلا فقيه ووهَم يحرس ولايتها!