درايش: أن تعرف متى تعلن الهزيمة
نشر
في 12-04-2026
آخر
تحديث 11-04-2026 | 20:02
جرّعوك الهزيمه... فانهزِم في نجاح
صِيغ فَصْل النهايه بالأقل القليل
جِسْمك اللي تخرّم ممتلي بالجراح
احقِن الدم فيه وضمّده لا يسيل
من هَدَم ساس بيتك استغلّك وراح
وكلّفك في مهمّه كالأجير العميل
تغْدر ببيت جارك تحت اسم الكفاح
والعدو الحقيقي تخْدِمه كالذليل
«شيطن» اللي تبيه من المسا للصباح
وآخر الوقت عندك كالملاك الجميل!
يكفي اللي جرى لك بالقنا والرماح
ما تشيلك عظامك لا تحط وتشيل
اش بقى لك تكابر والحِمى مستباح
اعترف بالهزيمه وما سواها بديل
