درايش: الشعبوية وقت الحروب
نشر
في 07-04-2026
آخر
تحديث 06-04-2026 | 19:12
لا تظلمون اللي انْعَرَف في بياضه
بعض الظنون آثام وأوهام وأمراض
والناس لو ما شِفْت فيها غَضاضه
وقت الحروب تفوح بأنفاسها أغراض!
والفوضويه وإن بدَت بانخفاضه
تاخذ مع كُبْر الإشاعات مرْكاض
الصف واحد ما نوى باستعاضه
مُخْلص لداره ومَنْبع القلب فيّاض
والحب ما يحتاج شَرْح وإفاضه
ياما فدى روحه وكم مَعْركه خاض
مبالغات الشَك والإفتراضه
تهْدِم أساساتٍ طويلات وعْراض
