درايش: ما تخَلّيت...
نشر
في 18-02-2026
آخر
تحديث 17-02-2026 | 20:05
أحب اللي بِذَر بَذْر ونِبَت له صِيت
وعلى الشرْفه نِمَت له غْصون مِبْتلّه
وعَمَّر دُور فوق الدُور ما حسّيت
على أرضٍ بوَسْط الروح محْتلّه
ولا تْخَلّيت عن حبّه ولا خِلِّيت
ولا تْنكّرت له في ما مضى كلّه
تباطاني على الجَيّه ونا ما ابْطيت
مواعيد الفَلَك حِسْباتها امْخِلّه
ولاني من قساة القلب لو صدّيت
ولا قلبي تبرّا يوم من خِلّه
بلاني بْعِلّةٍ قَشْرا ولا تْداويت
ونا ما كنت قبله أشتكي عِلّه
يحاچيني وإذا عنّه بلحظه أغْضيت
تبيّنت الخَطَر من خنجرٍ سَلّه
سواد العين يدفعني على التشتيت
يضيع الدرب من حولي ولا دِلّه
عزيز اللي يحاكمني ونا ما اخْطيت
وعلى شانه مشيت مْخالِف المِلّه
