درايش: الصداقة أعظم تجارة
نشر
في 09-02-2026
آخر
تحديث 08-02-2026 | 18:45
يا قلب عوّدتك على العسر واللين
ومن حادثات الوقت غاره وغاره
وجرّبت من حولك من الزين والشين
شيٍّ أصيل وشيْ فيه استعاره
ورجَعْت لي تشكي سوايا الرديين
وتقول ما من فار فيه الطهاره
كم قلت لك طبع الفتى بصفحة العين
اقرا... ويكفيك الفهم بالإشاره
واللي وقَف بالنِص بين الموازين
لا هو يمين الخط وإلّا يساره
هذاك أخطر من صفوف المعادين
ولا تبيّن غيمته في نهاره
وكم قلت لك خفّف من الشوق ثلثين
ما كل ناسك بادلوك بحراره
يخفون لك شيٍّ وفي الوجه حلوين
وفي ظاهر الأشواق چذب وعياره
ولا تجي من أقصاك من دون تثمين
في مَعْرفة بعض الأوادم خساره
مالك سوى النادر نزيه المضامين
هذي التجاره... چان تفهم تجاره
