درايش: زحمة خواطر
نشر
في 16-01-2026
آخر
تحديث 15-01-2026 | 20:39
بعض الخواطر كالظوامي على ماي
ومن جاك ظامي صَعْب إنّك تردّه
وصعبه على اللي قاطع الدرب عنّاي
اتقابله بنفسٍ عَيوفه مْصدّه
مثل الأمور اللي يساري ويمناي
شيٍّ غصُب عنّي وشيٍّ أودّه
وشيٍّ يخالفني على غير معناي
وشيٍّ يوسْوِس بالنوايا وأصدّه
وأختار منها راي كم كان ويّاي
مثل الرفيج مْجرّبه بكل شدّه
خاطر يورّدني على خير مبداي
ما قط نويت بيوم إنّي أهدّه
زحمة خواطر تابَعَت جرّة اخطاي
والدرب مستاحش من الليل حدّه
