درايش: عسى ما يزعلون
نشر
في 28-11-2025
آخر
تحديث 27-11-2025 | 18:43
كل ما رَشّت تباشير الغمامه
أسمع بصدري كما عزْف اللحون
يستخف القلب ويزيد ب هيامه
مثل طيرٍ فَر في عالي الغصون
مرني في صمت مدري وش علامه
غير نظرة شوق من نجْل العيون
صاحبي وش فيه ما يبدي سلامه
كل هذا خوف من سو الظنون؟!
وش على هالناس لو يكشف غرامه
المشاعر فيْض من قلبٍ حنون
كل ما زوّدت شرهات وملامه
قلت يا قلبي عسى ما يزعلون
كاتمين الشوق والنظره علامه
والجدايل سارحه فوق المتون
ولا التقينا قدّموا عذر وندامه
والعذر: خوف العواذل يعرفون
بين كل البيض بدرٍ في تمامه
يوم شفته والعذارى يلعبون
شفت برقٍ ناض من تَلْعة تهامه
والمحازم والخصر نقطه ونون
ايتَغَرْيَف فوق ريشات النعامه
سامري فنّه، وفي جسمه فنون
