درايش: الراي السديد
نشر
في 07-11-2025
آخر
تحديث 06-11-2025 | 19:45
إن طواك الليل والمعنى البليد
والثواني صارت ب طول الأبد
وين تلقى الشور والراي السديد
راحوا أصحاب المشوره والسَنَد!
في السواد وحلْكة الليل الشديد
چِن ما حولك من الدنيا أحد
ما تشوف اللي برايه تستفيد
لا طعم لا لون لا موقف أبد
امش في دربك ولو إنّك وحيد
خير من عكّاز في الممشى ارتعد
الظلام يقل أو يمكن يزيد
وتافهين الراي تكمالة عدد
وإن بغيت العون ما تحتاج إيد
اشحذ أفكارك... وياتيك المَدَد
