درايش: مفتاح زيادة
نشر
في 05-11-2025
آخر
تحديث 04-11-2025 | 21:05
مدري أنا أي باب ناسيه مفتوح
ومفتاحه هذا سنين عندي زياده
أو تاركه مقفول ومسكّر بلوح
وأحاول النسيان وأكبح عناده
مكْثر مفاتيحي ولا اقوى على البوح
والخوف أفتح باب ناوي انسداده
ليت النسيم إن مر ما يجرح الروح
ولا يأثّر بالحنايا براده
ولا يذكّرني بغرْزات وجروح
اللي مخلّيها الزمن لي شهاده
مفتاحي مْصَدّي ولا فيه مصلوح
وما اظنّه يفتح يوم باب السعاده
