درايش: Roommate
نشر
في 27-10-2025
آخر
تحديث 26-10-2025 | 18:59
صرنا مثل روميت في داخل البيت
ندخل ونطلع والسوالف دقايق
كلمه على الماشي إذا اصبحت وأمسيت
فيها اختصار وما تبيّن حقايق
ما نسأله شللي جرى لك؟ شسويت؟!
وما فيه وقت نشوف ان كان ضايق
سرعه بسرعه والعلاقه فتافيت
واللي بقى منها أبد غير لايق
شلّلي جرى فينا نعدّ التناهيت
ومحّد على الثاني من الصبح طايق
يعني نشب النار ونزيدها زيت
ونرمي «العلاقه» في وقود الحرايق؟!!
