درايش: أوباش

وضّاح

نشر في 22-10-2025

وضّاح

بعْض الرفاقا سيوف والبعْض أوباش

وما بين هذا وذاك دنيا وعِيشه

وما كل هذا الوقت أبيض كما الشاش

لابد فيه ندوب بأطراف ريشه

وحصانك اللي بساحتك ولّع وشاش

انظر وميِّز مربطه من كديشه

يخطي الذي بمواجه اعداه يهتاش

ولا نظَر بأحوال جنْده وجيشه

لا تلعن الساعه ولا تلوم من طاش

منّك وفيك القلب زامي ب طيشه

حرّمت للأفكار ما تفرش فراش

ولا تقص اللي تطاوَل حشيشه

وما تستضيف الطيْب والطيْب ما عاش

في رفقة اللي مستظل ب عريشه

من ضيّع المعروف كلّه على ماش

ماله ترى غير الحسايف معيشه

راس الخِثِل مثل الحصى ما به عْراش

لو تطرده يرجع لك من الدريشه

إتْرك... رفيجٍ حسْبته حسْبة اللاش

ورافج سنافي تعْرِف أبعاد قيشه