درايش: ثلثين من العمر

وضّاح

نشر في 17-10-2025

وضّاح

ثلث العمر عدّى كما النهر صافي

وثلثين مَرّوا في مواقف شريفه

أشْرَه على داري إذا شفت سافي

من حيث اهي جنّات قلبي وريفه

وأسْبِل على عوراتها ثوب ضافي

خوفي عليها من ذيابٍ مخيفه

وما أخفي بْصدري عن الطَرْس خافي

مثل الشموس الواضحات العفيفه

وإن زوّدوا حِمْلي فلا اقول كافي

حتى ولو كانت حمولي كليفه

كل التجارب في حياتي عوافي

مثل الدروس الهيّنات الخفيفه

ثلثين مرّوا ربْحهم كان صافي

ولا قَبَلْت بيوم رِبْح النصيفه!