درايش: السَلْهَمَة

وضّاح

نشر في 08-09-2025

وضّاح

سَلْهَم هدَب عينه ونا كنت ما شوف

حال الغَبَش ما بين عيني وعينه

وشِفْت الضباب بأطْرفه لمعة سيوف

الله وقاني يوم غطّى ب ايدينه

المستحي ماله على الناس معروف

يذبح ب عينه ويعتذر في يمينه

كالشمس لو غابت عن الناس بكسوف

تقصد: نحس بجوهرتنا الثمينه

أربع ثواني ويشتعل في الحشا خوف

مثل الضنين اللي تفقَّد ضنينه

هذا غرور ومَعْرِفة قلب ملهوف

تدري إذا غابت تغيب المدينه!