درايش: مجاميع متشابهة

وضّاح

نشر في 03-09-2025

وضّاح

لا تعمِّم... صح... بس توجد صفات

ترتبط أحيان في جَمْعٍ غفير!

وحّدت جيناتهم نفس السِمات

چانه طبع الشر وإلا أطباع خير

بينهم عدوى التشابه والثبات

والنِسَخ نفْس النِسَخ لا شي غير

يا حلو التمييز في إبراز ذات

واختلاف الطبع أو رسْم المصير

ويا حلو منهو تفرَّد بالجهات

ما يبي ينقاد بالزحمه أسير

وأتعس الحالات في هذي الحياة:

طير عنده جناح بس خايف يطير!!