درايش: ما أكرههم... (أهل العقول السخيفة)
نشر في 06-01-2023
آخر تحديث 05-01-2023 | 19:37
مالي شغل فيهم، ولا أشره عليهم
لأنهم مثل الحمول الرديفه
أهل العقول الفارغه م اشتهيهم
لكن تسلّيني مواقف ظريفه
وأول نموذج: جارتي (تشتكيهم)
متزوجه واحد حياته سخيفه
متحمّله، واعيالها تحتويهم
لأنها سَنْعه ونظيفه وشريفه
خبلٍ تمر أيامهم ما يبيهم
وأيام يوله لليالي اللطيفه!
طبْعه بخيل وما دفع فلْس فيهم
طبْع «اشحفان» وله ملامح مخيفه
يزعل... ويرجع يعتذر بين ايديهم
يا عِشْرته عِشْرة حياةٍ كسيفه
بعض الرجال اخفاف لا تشتريهم
واحذر تحمّلهم معاني كليفه
أزوال لا تسنّد سوالف عليهم
لو شفتهم عِقْل وملابس نظيفه
إن سولفوا... طيش العَقل مبتليهم
وإذا اسكتوا... مثل الصفاة المحيفه
