درايش: ما فيه حرب «مفيدة»!
نشر
في 18-06-2025
آخر
تحديث 17-06-2025 | 19:02
لا تعتقد أي حرب ممكن تفيدك
الحرب ما فيها سوى الموت والنار
بعض الشرار إن طار يحرق جريدك
وما فيه بعد التهلكه لوم وأعذار!
هذا نتنياهو قديمك/ جديدك
صهيون ما يجلب جنونه سوى العار
ودّه إذا ما صار يضغط وريدك
ويمشي على كل الأراضي والأقطار
طول الأبد محتلّ انت وحفيدك
حتى ولا ينهيه قصّاف الأعمار
في «شرق أوسط» يرسمه ب خط إيدك
يعرض «خريطه» بنصها دَق مسمار
«الطائفيه» اليوم تحرق رصيدك
مو وقت رثّات المعاني والأفكار!
شيٍّ تبي صيده... احترس لا يصيدك
وإن صادفَت مرّه... ترى تخطي أمرار
ولا تأيّد شخص ناوي يبيدك
خلّك بساعات الحرايق مع الجار
