درايش: المرجلة مو ذكورة!

وضّاح

نشر في 11-06-2025

وضّاح

بعض «المراجل» في النساء العظيمات

مو شرط لازم تحتكرها الذكوره!

جرّبت في عمري وفي أصعب أوقات

وعَدّتني الأنثى مراحل خطوره!

لي الفخر عندي سنَد بالعفيفات

يوم الرفاقا بالشديدات... صوره

فزّت وقالت لا تحاتي النهايات

ومن يظلمك باچر نهدِّم قصوره

الحق حق ولو ضعَف يوم ما مات

لابد ما ياخذ من الناس دوره

وحسّيت بالمعنى بعد كل ما فات

إن النسا للدار نوره وسوره