صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4023

رئيس التحرير خالد هلال المطيري

درايش : اعتراف

  • 04-01-2019

ما للمولَّع طب.. لو هو تداوى

تنقض جروحه سم لو هي تداوَت

لا تشْغلك يا جعْلها ما تشاوى

يبقى أثَرها بخافقي لو تشاوَت

أنا مثل منهو سعى بالعداوه

وركون قلبه من الدسايس تهاوت

أمّنتني وخصّيتني بالغلاوه

ونا ذيابي جايعاتٍ تعاوَت

خاويتها ويا صاحبي ما تخاوى

وداويتها من ضعفْ لينٍ تقاوَت

لا تخدعك لو شفت منها الرخاوه

ما ماتت بحقٍ ولكن تماوَت

أبَعْترف لو باعترافي شقاوه

يمكن تحل اعْقدها لا تطاوَت

ربعك ولو يحچون معك بحلاوه

تبقى السراير خافياتٍ تفاوَت

والناس عمر أفعالها ما تساوى

وعند الولي يا صاحبي ما تساوَت