كلمة راس: حوار الـقوافي

 يـا شـريـده صـاحـب عــلـومٍ حــمـيـده

ويـش رايـك فـي بـعـض خـطـوى الـمـسـايـل

بـعـض ناسٍ يـجـحدون الـطـيـب ســيـده

مـا تـخــاف الــلـي عـلـى خـلـقـه يــخـايـل

والــجــزا مــنــك مــســبــاتٍ شــديــده

نـاكـريـنٍ لـلـفـضـايــل والــجـمــايــل

ويـلـهـم مـن واحـدٍ يـنـصـف عــبــيـده

لا دعـوا بـه فـي الـصـغـايـر والـجـمـايـل

سـعـود الـجـمـران

هـــذي عـلـومٍ قــديـمـاتٍ جــديــده

خــلـقــة الله لـلـبـشــر قــاصــر وطــايــل

بـعـضـهـم درّه صـفـت بـيـدك فـريـده

وبـعـضـهـم عــن سـكـة الـمـعـروف مـايـل

لـو تـحـطـه فـوق راسـك مـا يـفـيـده

مـا هـي تـنـفـع لـك مـعـه كـل الـوسـايـل

الـلي مـثـلـه لا تـحـط إيــدك بــإيــده

الـحـقــيــقــه ثـابــتــه والــزيــف زايــل

شـريدة المعـوشرجي