محاورة

محاورة شعرية قوية وجميلة مليئة بالمعنى جرت بين الشاعرين المعروفين صياف الحربي ورشيد الزلامي في إحدى ليالي الشعر العامرة:

صياف:

الليل يا قلب الزلامي واعرف أرضك من سماك

يمكن تجي وتـروح لا راضـي ولا زعلانيـه

ما خافوا العربان من سيفك ولا خافـوا عصـاك

خل العصـا فالليـل وتحامـي بهـا الديبانيـه

رشيد:

ياذيب ياللي في توال الليـل هيضنـي عـواك

من جوع ولاشاعر بالخـوف يـا سرحانيـه

إن كان ما ودك بسيفي خل صوتك في سمـاك

واليا نغزك إبليس شفنـا لـك سهـوم ثانيـه

صياف:

ازعلنـي اللـي راح قدامـك وخليتـه وراك

اثر معـك كبـدٍ تشيـل طويـق والصمانيـه

مدري معك جني يشب النـار ولا وش بـلاك

اتزعـل الراعـي لوانـه علـم الرعيانـيـه

رشيد:

إزعل زعل حربي ولا تنشد عتيبة عن رضاك

يرضونك اللي يزرعـون الخـوخ والرمانيـه

انته رحلت من المدينة يوم ربـي مـا هـداك

تشـد مـن دار النبـي وتجـاور (....)

صياف:

الظاهر انك عقب ليله وحـده تطـوي رشـاك

وتشد من ركبـه وتنـزل بأوسط الضلعانيـه

ياثلب ما نسمع هديرك ما سمعنـا الا رغـاك

وأهل المدينة قفلـوا مـن دونهـا البيبانيـه

رشيد:

حنا ليا منا كحلنا العيـن مـا نقصـد عمـاك

نبيك تسرح مع طريق الطيـر أبو جنحانيـه

الله منعنا ماعطانا وانت مـدري وش عطـاك

مدري سمعنا مـا سمعنـا والعـرب كذبانيـه