كلمة راس: السلام عليكم

تتفق وياي وإلا تختلف

مو ترى هذي القضية

دامنا في دار وحده

لازم نعرف نتعايش

في سلام

***

لا تحاول تفرض أرائك علي

ولا توجه لي

أصابع الاتهام

ولا دخلت البيت

وحييتك

أظن الواجب يحتم

عليك ترد

اقلتها السلام

***

مهو لازم

آنا وانت نصير طبق الأصل

في كل القضايا

مهو لازم

لا نظرت الصبح ويهك

في المرايه

تلقى صورة ويهي جدامك

أكرر نفس رايك

***

اللي لازم

لا اختلفت بيوم

في رايي معاك

أو مشيت بدرب

ما يوافق هواك

لا تظن أبداً ولا يخطر في بالك

إني قاصد اجرحك

وإلا أغيظك

***

إنت اخوي

وآنا اخوك

أمنا وحده

جمعتنا وكبرتنا وأمنتنا

ماكو في الدنيا مثلها

ماكو ادفا من حضنها

وتكفى يالغالي

إلى مني دخلت البيت

وحييتك

أبيك ترد

اقلتها السلام