يا نور عيني

يا نور عيني ليه شوفـك شفاقـه

هذا جفى يـا زيـن وإلا تغلـي

على غلاك الزود مالـه لواقـه

واظن ماله بالضمايـر محلـي

ودك غدى بالروح والرجل ساقه

من الملا كله طويـت السجلـي

حتى وليف(ن) لي هروجه رقاقه

انا وفي(ن) ما تـهـاون بـخـلـي

فارقت شوفه وانـت سبة فراقـه

واليوم مادري بأـي دار يحلـي

اليا شافني ياخذ علـي اندلاقـه

يمشي طويل وطول حسه يهلـي

وإلا انت والله يانصفقت انصفاقه

قدام وجهـي مـا تمتـع بحلـي

وإني طويت رشاك طي العلاقـه

والحال فيها من هاك اليوم حلـي

حادور ما بـه للمخاليـق طاقـه

إن طال في طيله غدى في كلـي

كان انكـم خـلان لـي ورفـاقـه

قـدام زلال بروحـي يـزلـي

يانور عينـي ذوقونـي ذواقــه

غر(ن) ترى قلبي عليهـن مغلـي

طول النسم بحدود عقل ورواقـه

يرفـى لحالـي من ليـال مضنلـي

والله ما طلبكـم وراهـن لحاقـه

وانه دوايه مـن بلايـه وشلـي

واني لكم يا نـور عينـي عتاقـه

انا دخيل حظوظكم قبـل اولـي

وانا تراي مانـي خطـاة الهقاقـه

الـي على غيبـه انكـان دلــي

واللي يدل الناس كثر اصطفاقـه

لو مل وجهـه بارد(ن) ما يملـي

ياعود ريحانٍ على جـال باقـه

شابك عليهـا زعفـرانٍ مظلـي

يا ريم وانت احلا بخف ولباقـه

يا عنك ماشـح بحـلاك المحلـي

عليك عنـق مـن المها ودراقـه

ومن الصويتيـه تـوزي ودلـي

ومن الحرار بنور عينـك رماقـه

ومن الحمامه مشيها بـس قلـي

وإلا انت بوصاف وحلايا دقاقـه

مدري وش انت للعذارى مخلـي

ربي عطاك و حط فوقك وساقـه

اشقر قضيضٍ فوق الامتان هلـي

وقلبي عليك اليوم غادي حراقـه

انتـه تبـا تجديـه وإلا تتـلـي

وتحط من دوني خليل(ن) عشاقـه

وانا يسد من العنـاء ما حصلي