ليلة الذكرى

هذه القصيدة للشاعر الكبير عيد بن حطاب العتيبي، وهي قصة وقعت له عندما تزوج من أحبها قلبه، وكان من أسعد الناس معها, ولكن قدر الله الفراق بينهما كل في طريقه:

مدري ورى ليلة الذكـرى تبكينـي

وانا احسبني صبور وصعبا بكايه

ازرى منول على نـاس كثيرينـي

واثـر المعافيـن نقـاده وزرايـه

مرت عليه شهور ومرت سنينـي

ومريت احسب العيون القشر نسايه

وقفت بالدار اصد يسـار ويمينـي

كني بغبة بحر مـن قـو ذكرايـه

هاجوس يبعد وهاجوسن يدنينـي

يلعب بقلبي مثل ما تلعـب المايـه

ولا حكى القلب لكنه حكت عينـي

اثر العيون تحكي وتفسـر الغايـة

الله من حسرة بالصـدر تكوينـي

وعلامة الحزن بانت في محيايـه

والله يالايام مـدري وش تخفينـي

حظي مع الرايحه واللا مع الجايـه