تعب

اسامحك؟ غصب اسامحك ويش اسوي فيك؟

وانا لا زعلت ايضيق كـل الفضـى فينـي

تناسـى جروحي, واتحمل, واجـي وارضيـك

وتخطي علي, واستسمحك, وانت  ناسينـي

تقفي, وتجرحني, واسـوق الغلـى واجـيـك

وانـا كسـرت الخاطـر لهمـي تمشيـنـي

اشوف الجفا كاسٍ تمده علي بيديك

وانا امد لك كاس الوفى يا نظـر عيني

وانا مستحيل اني على فعلك أجازيك

ابصبـر وحبـك عـن خطايـاك معميني

أحبك... أحبك وانتظـر شوفتـك وارجيـك

ولـو إن ماسـويـت فيـنـي  مكفيـنـي

تعبت... وتعب قلبي, تعب قلبـي ايناديـك

قبل ما تضيـع اسنيـن الافـراح وسنينـي

وش اللي بقى تبغاه مني عشـان ارضيـك

اطيعك وانـا ما طعـت الاقصـى والادنيني

قولـه وانـا خوفـي تأخـر ولا يمـديـك

علـى شـان ما سويـت قطـع شراييني

ولكن كفايه يا هـواي الله ايخلـيـك

كفايه عذابي وين ودك  توديني