ليل الجليد

أطراف ليلي جليد وشـوق قلبـي جمـر

وكفوف صمتي تقلّب وحدتـي والحنيـن

الصبر حافي أمل علـى طريـق العمـر

يقظم أظافر حنينـه مـن يديـن السنيـن

واحساس ثاير تمرّد مثـل مـوج البحـر

تعانـق شفـاه مـدّه صبـح عيّـا يبيـن

تعال واغرس غيومـك بالسمـا وانهمـر

اروي ثرى الشوق حتى تزهر الوجنتيـن

واعصر من كروم قلبي كاس حب وخمر

تنسى معاه العنا وانسـى معـاه الأنيـن

تعال غمّض جفوني نـام فيهـا السهـر

وصبّ الدفا من يدينك فوق برد الجبيـن

وخذني غواية رواية أو قصيـدة شعـر

أو مملكة أنـت فيهـا قايـدي والسجيـن

هيّا ارتكب كل ذنب وجنّتـي لـك قـدر

لكن توضا جنونـي واطفـي الفرقديـن

ومرّغ جبين الحزن على حنايـا الصـدر

واقطف من انفاس روحي عقد من ياسمين

ما أقسى من شعور حرفي والورق والحبر

الا شعورٍ بغـى يكتـب وما مـن يديـن

مثل شعوري وانا اكتب والمشاعر جمـر

أطراف ليلي جليد ونبض حرفي حنين!!