مساء الشعر

في هالمسا وش جبت لي يا شعر وانت اللي يجيب

وانت تدري اني هالمسا محتاج لك محتـاج لـك

مدام انا فالمنتـدى ما عادنـي شخـص غريـب

فارجـوك عاملنـي كـذا وانـا بعـد بعاملـك

تذكّـر ان مالـي بتـردد الحكـي ايّـة نصيـب

لياك تجاملني وانـا مـن خلقتـي مـا اجاملـك

يعني مبيك تصير الاقشر او تصير اللي حبيـب

مرات يمكن نتفـق ومـرات غصـب اجادلـك

احسب فهمني واعتلى المنبر وقف وقفة خطيـب

قال استمع فاللـي اقـول ولا تقـوم ان جازلـك

اببتـدي بالسهـل فاولهـا وبعديـن الصعـيـب

يعني من اولهـا ابرفـق بـك كـذا واساهلـك

قلت السهل مهوب لي ضارب على سهلك صليب

لا تضيع لوقتـي وانـا طـول النهـار مقابلـك

في ساحة الشعار ما ينفـع تصّيـد مـن قريـب

لياك تنسـى انـي بوجهـي مستميـت وكافلـك

دور عن الصيدات لو تقطع وراها كـم شعيـب

يعني علومـك فلهـا واليـوم عطنـي صاملـك

قال ابشر بسعدك وغـاب وعادتـه لمـا يغيـب

يجيبهـا ان قالـه الله مثـل ما هـو قـال لــك

جاني وهو يحمل معه اربـع قصايـد تستهيـب

انـك تطـوّل فالنظـر فيهـا وترحـم داخلـك

حرك شجونٍ راكـده فالنفـس يفهمهـا اللبيـب

ناديـت وحـده قربـي بالله وفـلـي جـادلـك

قامت تثنى في مـدى سجـة خيالـي يارهيـب

وش هالتثني والغنج وش هالحلا اللـي شاملـك

الليل ياليل سرا بـي كامـرئ القيـس بعسيـب

لما وقـف مـع سجتـه يا بحـر وينـه ساحلـك

خذه الخيال وذكـره بالموقـف المـر العصيـب

لكـن خيالـي يحتفـل انـه اخيـراً حامـلـك

وين انتي عني من زمن رد الشعر عنها مجيـب

هذي ورى حـد الخيـال اللـي تطـول اناملـك

ما قلت صعّبهـا وانـا صعبتهـا كـي لا تخيـب

وجاوب علـى تساؤلـي بعـد انتهـى تساؤلـك

متى بتنشرها وقلـت الا النشـر هـذي مهيـب

للنشـر كـان عيـون خلـق الله بعدهـا تاكلـك

حطوا على نشر القصيده ذي رجاء اكبر صليـب

واللي زعل مني بيرضى لـو يقـول مزاعلـك